སློབ་ཚན་དེ་ནི་འདབ་ཆགས་ལ་སྦྱར་བའི་གཏམ་རྒྱུད་ཅིག་ཡིན་སྟེ།  བྱ་མང་པོས་རྒྱ་བྱའི་མདུན་དུ་ཚང་བཟོ་བའི་ལག་རྩལ་སྦྱོང་

བར་སོང་མེད།  འོན་ཀྱང་ཁུག་རྟ་གཅིག་པུས་རྒྱ་བྱས་བཤད་པ་རྣམས་བློ་རྩེགཅིག་སྒྲིམ་གྱིས་ཉན་པར་བརྟེན་མཐར་བྱ་ཚང་

ལེགས་པོ་ཞིག་བཟོ་ཤེས་པའི་བརྒྱུད་རིམ་བརྗོད་ནས།   བྱ་བ་གང་ཞིག་བརྩམས་ཀྱང་རྒྱུན་སྲིང་ཐུབ་པའི་ལྡན་དགོས་པ་ཤིན་ཏུ་

གལ་ཆེ་བའི་གནས་ལུགས་བསྟན་ཡོད། 

གཅིག།    སློབ་ཚན་ཀྱི་མཚན་བྱང་སྟབས་འགྲེལ་བྱས་ན།

བྱ་ནི་ཁུག་རྟ་དང་ཕོ་རོག་ལ་སོགས་པ་འདབ་ཆགས་སྤྱིའི་མིང་།    ལག་རྩལ་སྦྱོང་བ་ནི་བཟོའི་ལས་བྱེད་པའི་ལག་པའི་རྩལམ་ནུས་པ་སྦྱོང་བ།

གཉིས།   སློབ་ཚན་དང་འབྲེལ་ཡོད་ཀྱི་རྨང་གཞིའི་ཤེས་བྱ།

བྱིས་སྒྲུང་ནི་ སྲོག་ཆགས་མི་ཆོས་སུ་བཀོལ་ཏེ་མི་དང་མིའི་དབར་གྱི་འབྲེལ་བ་ཐག་གཅོད་བྱེད་པའི་སྡོམ་ཚིག་བསྟན་པའི་སྲོག་

ཆགས་ཀྱི་སྒྲུང་ལ་ཟེར།

སློབ་ཚན་ཧྲིལ་པོ་གཅོད་མཚམས་གསལ་པོས་དགེ་རྒན་གྱིས་ཁྲིད་ཀློག་ཐེངས་ཤས་བྱས་རྗེས་སློབ་མ་ཡོངས་མཉམ་ཀློག་

ཐེངས་འགའ་བྱས་ཏེ་སྤྱིར་སློབ་མ་མང་ཆེ་བའི་སློབ་ཚན་ཀློག་འདོན་བྱེད་པའི་ནུས་པ་ཡག་ཏུ་སོང་ན།  ཚོགས་ཆུང་ཁག་བགོས་

དང་།   སློབ་ཕྲུག་བུ་དང་།  བུ་མོ་ཁག་བགོས་སོགས་བྱ་ཐབས་སྣ་ཚོགས་ཀྱིས་སློབ་མའི་སློབ་ཚན་ཀློག་འདོན་བྱེད་པའི་ནུས་པ་

ཁྱོན་ཡོངས་ནས་སྦྱོང་བརྡར་ཡོང་བ་བྱ་རྒྱུ།   སློབ་ཚན་ཀློག་འདོན་བྱེད་པའི་བརྒྱུད་རིམ་ནང་སློབ་མ་རྣམ་པས་བྱ་རྣམས་ཀྱིས་ལག་

རྩལ་སློབ་དུས་སེམས་ཀྱི་དྲན་ཚུལ་དང་།  རྣམ་འགྱུར་སོགས་ཉམས་འགྱུར་ཐོན་པོའི་སྒོ་ནས་ཞིབ་ཀློག་ཐེངས་མང་བྱེད་དགོས་པ་

མ་ཟད།  ཞིབ་ཀློག་བྱེད་པའི་བརྒྱུད་རིམ་ནང་གནད་དོན་གཉིས་དམིགས་སུ་བཟུང་ནས་སློབ་ཚན་གྱི་དོན་ལ་གོ་བ་ལོན་ཤེས་པ་

དགོས་ཏེ།  1、འུག་པ་དང་།  སྐྱ་ཀ།  རྒོད།   མཆིལ་པ་སོགས་ཀྱིས་རྒྱ་བྱའི་དྲུང་ནས་བྱ་ཚང་བཟོ་བའི་ལག་རྩལ་སློབ་དུས་སེམས་

སུ་ཇི་ལྟར་དྲན་པ་དང་།   ཇི་ལྟར་བྱས་པ།   མཐའ་འབྲས་ཇི་ལྟར་བྱུང་བ།   2、ཁུག་རྟས་ཇི་ལྟར་བྱས་པ་དང་།  མཐའ་འབྲས་ཇི་

ལྟར་བྱུང་བ།  མཐའ་འབྲས་དེ་ལྟར་བྱུང་བའི་རྒྱུ་མཚན་ཅི་ཡིན་པ་དེ་གཉིས་གནད་དུ་འཛིན་ནས་ཀློག་དགོས།

༡、མིང་དང་ཚིག་གི་འགྲེལ་པ།   

རྒྱ་བྱ། －རྒྱ་ནག་གི་གནའ་བོའི་ངག་རྒྱུན་ལ་གྲགས་པའི་བྱ་བརྒྱའི་དབང་པོར་གྲགས་པའི་འདབ་ཆགས་ཤིན་ཏུ་མཛེས་པ་ཞིག།

ལག་རྩལ།－ལག་པའི་ནུས་རྩལ།

ཁེངས་པ།－ང་རྒྱལ་དང་སྤོབས་པ། མཁས་རློམ།

སུམ་ཚེབ།－སྡོང་པོ་གཅིག་ལ་ཡལ་ག་གསུམ་ཡོད་པར་ཟེར།

བྱ་འདབ།－ཁང་པའི་མདའ་གཡབ།  ཐོག་ཁའི་ཆུ་འདབ་ཡང་ཟེར།

སུན་སྣང་།－སེམས་མི་དགའ་བའི་སྣང་བ།

འདམ་བག།－ས་རློན་གྱི་འདག་པ།

བཅའ་ས།－རྟེན་སའམ་སྡོད་ས།

རིལ་བུ།－དབྱིབས་ཟླུམ་པོ།  སྲན་རིལ་ལྟ་བུའི་རྡོག་པོ་ཆུང་ངུའི་མིང་།

དྲུང་དུ།－འགྲམ་དང་།  འཁྲིས་ཀྱི་ཞེ་ཚིག།

མཆིལ་པ།－ཁང་བྱིའུ།

ཆ་ཚང་།－ཆད་ལུས་མེད་པ།  ཚང་མ།  ཡོང་རྫོགས།

༢、ལྡོག་ཚིག།

ཐོས།－འོན།    བརྩོན་པ།－ལེ་ལོ།    ལེགས།－ཞན།     སླ་པོ།－ཁག་པོ།   རྩིག།－བཤིག།   དགའ།－སྡུག།  འོག།－སྟེང་།

༣、ཉེ་ཚིག་（འདྲ་ཚིག།）

མཆིལ་པ།－ཁང་བྱིའུ།     ཅི་ཡང་།－གང་ཡང་།     བརྩོན་པ།－འབད་བརྩོན།     གླེང་མ་ཐག།－བཤད་མ་ཐག།

ཁེངས་པ།－སྤོབས་པ།  བཅའ་ས།－རྟེན་ས།  རླུང་།－ལྷགས་པ། སྐྲག།－འཇིགས།  ཁུག་རྟ།－ཁ་ལ་ཡུག།   ཆར་འདོད་བྱིའུ།

༤、བྱ་ཚིག།

ལག་རྩལ་སྦྱོང་།   རྡོ་ལ་རི་མོ་བརྐོས།    གཤོག་པ་རྡེབ།   བློ་རྩེ་སྒྲིམ།   སུན་སྣང་སྐྱེས།   ཡིད་ལ་བཟུང་།  འདམ་བག་བརྫིས། 

རྩྭ་སྤུ་འདིང་།   ཤིང་ཙག་བསྒྲུགས།  དགའ་ནས་འཕུར།  ནང་དུ་ཉལ།  སུན་སྣང་སྐྱེ།  རིལ་བུ་རྩིག།

༥、བརྗོད་པ། 

……རྡོ་ལ་རི་མོ་བརྐོས་པ་བཞིན།……

ཁུག་རྟས་རྒྱ་བྱ་ཡིས་བསླབས་པའི་ཤེས་བྱ་ཡོང་རྫོགས་རྡོ་ལ་རི་མོ་བརྐོས་པ་བཞིན་ཡིད་ལ་བཟུང་།

……བློ་རྩེ་གཅིག་སྒྲིམ།……

ཁུག་རྟ་གཅིག་བུས་རྒྱ་བྱས་བསླབས་པའི་ཚང་བཟོ་སྟངས་བློ་རྩེ་གཅིག་སྒྲིམ་གྱིས་ཉན་པ་རེད།

……བདེ་ཞིང་སྐྱིད་པ།……

ཁུག་རྟས་བཟོས་པའི་ཚང་དེ་ནི་ཕྱི་ནས་བལྟས་ན་དབྱིབས་མཛེས་ཤིང་།  ནང་དུ་ཉལ་ན་བདེ་ཞིང་སྐྱིད་པ་ཞིག་བྱིང་ཡོད།

 ༡、   སློབ་ཚན་དེ་ནང་དོན་ཆ་ཤས་ཁག་གསུམ་ལ་དབྱེ་ཆོག་པ་དང་།  དུམ་མཚམས་ཀྱི་ཆ་ནས་

རང་སྒྲུབ་དུམ་མཚམས་བདུན་ལ་དབྱེ་ཆོག་པ་སྟེ།

   ཁག་དང་པོའི（རང་གྲུབ་དུམ་མཚམས་དང་པོ།）ནང་།   རྒྱ་བྱའི་དྲུང་ནས་བྱ་རྣམས་ཚང་བཟོ་བའི་ལག་རྩལ་

སྦྱོང་དུ་འཛོམས་པ་བརྗོད་ནས་གཏམ་རྒྱུད་ཀྱི་འགོ་བསླངས་ཡོད།

ཁག་གཉིས་པའི（རང་གྲུབ་དུམ་མཚམས་གཉིས་པ་ནས་དྲུག་པ་བར།）ནང་།     འུག་པ་དང་།  སྐྱ་ཀ།  རྒོད།   མཆིལ་པ་ཁུག་རྟ་བཅས་རྒྱ་བྱའི་དྲུང་ནས་ལག་རྩལ་ཇི་ལྟར་བསླབ་ཚུལ་སོ་སོར་བརྗོད་ཡོད་པ་སྟེ།

གཅིག།   འུག་པ་པས་རྒྱ་བྱས་བསླབ་འགོ་བརྩམས་མ་ཐག་ཏུ་རྒྱ་བྱ་ལ་ཚང་བཟོ་བའི་ལག་རྩལ་མེད་པར་ངོས་འཛིན་ནས་སྦྱོང་

འདོད་མེད་པའི་བློ་སྐྱེས་པ་མཚོན་ཡོད། 

གཉིས།  རྒོད་ཀྱིས་བྱ་ཚང་བཟོ་བར་གནས་གང་ཞིག་ལེགསཔ་རང་ཉིད་ཀྱིས་ཀྱང་ཤེས་པར་རློམ་ནས་སློབ་མི་འདོད་པར་

ཁེངས་སེམས་སྐྱེས་པ་དེ་མཚོན་ཡོད།

གསུམ།   སྐྱ་ཀས་བྱ་ཚང་བཟོ་སྟངས་ཆ་ཚང་ཞིག་མ་སྦྱངས་པར་ཤིང་ཐུར་རྩིག་སྟངས་ཙམ་སྦྱངས་པ་དེ་མཚོན་ཡོད།

བཞི།  མཆིལ་པས་རྒྱ་བྱའི་ཆུ་ཚད་དེ་རང་ཉིད་དང་གཅིག་འདྲ་ཡིན་པར་རློམ་ནས་སྦྱང་རིན་མེད་སྙམ་པའི་བློ་དེ་མཚོན་ཡོད།

ལྔ།   ཁུག་རྟས་རྒྱ་བྱའི་ཚང་བཟོ་བའི་ལག་རྩལ་ཆ་ཚང་ཉན་པ་དེའི་ཐོག་ནས།   ཁུག་རྟ་ནི་རང་གིས་མ་ཤེས་པ་སྦྱོང་འདོད་

ཆེ་ཞིང་།  བསླབ་མཁན་ལ་བརྩི་བཀུར་ཆེ་བ་དེ་མཚོན་ཡོད།

ཁག་གསུམ་པའི（རང་གྲུབ་དུམ་མཚམས་བདུན་པ།）ནང་།  བྱ་དེ་དག་གིས་རྒྱ་བྱའི་དྲུང་ནས་ཚང་བཟོ་

སྟངས་སློབ་སྦྱོང་བྱས་ཀྱང་།ཁུག་རྟ་ལས་གཞན་རྣམས་ཁེངས་པ་ཆེ་བ་དང་གཟབ་ནན་མེད་པས་མཐར་ཕྱིན་པ་མ་ཤེས་པ་དང་།  

ཁུག་རྟས་ཁེངས་སེམས་མེད་པའི་སྒོ་ནས་སློབ་སྦྱོང་བྱས་པར་བརྟེན་རང་ཉིད་ཀྱིས་བཟོས་པའི་ཚན་དེ་ནི་ཕྱི་ནས་བལྟས་ན་

དབྱིབས་མཛེས་ཤིང་ནང་དུ་ཉལ་ན་བདེ་ཞིང་སྐྱིད་པ་ཞིག་བྱུང་བ་སྟེ་འབྲས་བུ་ལེགས་པོ་ཐོབ་པ་བརྗོད་ཡོད།

༢、སློབ་ཚན་གྱི་ནང་དོན་ཕྱོགས་བསྡོམས་རགས་བསྡུས།

   སློབ་ཚན་དེ་ནི་འདབ་ཆགས་ལ་སྦྱར་བའི་གཏམ་རྒྱུད་ཅིག་ཡིན་ཏེ།    བྱ་མང་པོས་རྒྱ་བྱའི་དྲུང་དུ་བྱ་ཚང་བཟོ་བའི་ལག་རྩལ་

སྦྱོང་བར་སོང་མོད།   འོན་ཀྱང་ཁུག་རྟ་གཅིག་བུས་རྒྱ་བྱས་བཤད་པ་རྣམས་བློ་རྩེ་གཅིག་སྒྲིམ་གྱིས་ཉན་པདར་བརྟེན་མཐར་བྱ་

ཚང་ལེགས་པ་ཞིག་བཟོ་ཤེས་པའི་བརྒྱུད་རིམ་བརྗོད་ནས།  བྱ་བ་གང་ཞིག་བརྩམས་ཀྱང་རྒྱུན་འཁྱོངས་ཐུབ་པའི་སྙིང་སྟོབས་

ལྡན་དགོས་པ་ཤིན་ཏུ་གལ་ཆེ་བའི་གནད་ལུགས་བསྟན་ཡོད།

སློབ་ཚན་ནང་དོན་ཕྱོགས་བསྡོམས།

                          འུག་པ།         རྣམ་འགྱུར－འགོ་བརྩམས་མ་ཐག་མ་ཉན་པར་འཕུར་ཕྱིན་པ།

                                        མཇུག་འབྲས－ཅི་ཡང་མ་ཤེས།

     བྱ་ཡིས་               རྒོད།           རྣམ་འགྱུར－ཐོས་པ་ཙམ་གྱི་དེ་ལས་སླ་པོ་རེད་སྙམ་ནས་འཕུར་ཕྱིན་པ།                                ནན་ཏན་

     ལག་རྩལ་                            མཇུག་འབྲས－ཡལ་ག་སུམ་རྩེབ་སྟེང་དུ་འབབ་ཤེས་པ།                                            གྱིས་སློབ་

      སྦྱོང་བ།              སྐྱ་ཀ།          རྣམ་འགྱུར－ཅུང་ཙམ་ཉན་རྗེས་ཁེངས་སེམས་དང་བཅས་དེ་འཕུར་ཕྱིན།                               ཁྲིད་ཉན་

                                        མཇུག་འབྲས－ཤིང་ཐུར་བརྩིགས་ནས་ཚང་བཟོ་ཐུབ་ཙམ།                                         ན་འབྲས་

                        མཆིལ།           རྣམ་འགྱུར－རགས་ཙམ་ཉན་རྗེས་འཕུར་ཕྱིན་པ།                                                བུ་བཟང

                                        མཇུག་འབྲས－ཞིབ་ཚགས་པོ་མེད་པའི་ཚང་ཙམ་བཟོ་ཤེས་པ།                                        པོ་ཐོབ་

                        ཁུག་རྟ།         རྣམ་འགྱུར－མགོ་ནས་མཇུག་བར་ཆ་ཚང་ཉན་རྗེས་བཀའ་དྲིན་ཆེ་ཞེས་ཞུས་ནས་འཕུར་ཕྱིན་པ།              ངེས་ཡིན་པ།

                                      མཇུག་འབྲས－ཕྱི་མཛེས་ཤིང་ནང་མཛེས་པའི་ཚང་བཟོ་ཤེས་པ།

༡、གཤམ་གྱི་ཚིག་ཡང་ཡང་ཀློག་ནས་བློ་ལ་བྱང་བ་བྱེད་དགོས།

ལག་རྩལ་སྦྱོང་བ།    རྡོ་བརྐོས་རི་མོ།    གཤོག་པ་རྡེབ།    ཡལ་ག་གསུམ་ཚེབ།    བློ་རྩེ་གཅིག་སྒྲིམ།    སུན་སྣང་སྐྱེས།

༢、ངས་སྟོང་ཆ་སྐོང་ནས་གཤམ་གྱིས་སྐད་ཆ་དེ་དག་བྱ་གང་གི་བསམ་ཚུལ་ཡིན་པ་ཤེས་པ་བྱེད་ཀྱི་ཡིན།

（ མཆིལ་པ།）དེ་ནི་ང་ཡིས་བསམ་པ་དང་ཡོངས་སུ་མཐུན་ནོ་སྙམ་ནས་དགའ་ཐག་ཆོད་དེ་འཕུར་ཕྱིན།

（ རྒོད།）ཡལ་ག་གསུམ་ཚེབ་ཀྱི་སྡོང་པོ་གང་སར་ཡོད་པས་དེ་ནི་ལས་སླ་པོ་ཞིག་རེད་སྙམ་ནས་ཁེངས་པ་ཆེན་པོས་གཤོག་པ་

རྡེབ་བཞིན་འཕུར་ཕྱིན།

（ འུག་པ། ）རྒྱ་བྱ་ནི་ཕྱིའི་རྣམ་པ་མཛེས་པ་ཙམ་ལས།  དོན་དུ་ལག་རྩལ་ཅི་ཡང་མེད་སྙམ་ནས་འཕུར་ཕྱིན།

༣、ངས་གཤམ་གྱི་གནས་ལུགས་དེ་གཉིས་ཤེས་ན་བསམ་གྱི་འདུག།

（1）བྱ་རྣམས་ཀྱིས་རྒྱ་བྱའི་མདུན་ནས་ཚང་བཟོ་སྟངས་སློབ་སྦྱོང་བྱས་ཀྱང་།  ལ་ལས་རྩ་བ་ནས་ཤེས་

མེད་པ་དང་།  ལ་ལས་ཆ་ཚང་བ་ཤེས་མེད་པ།  དེའི་རྒྱུ་མཚན་གང་ཡིན།

ལན་དུ：བྱ་དེ་རྣམས་ཀྱིས་རྒྱ་བྱའི་ལག་རྩལ་དེ་ཙམ་རང་ཉིད་ལའང་ཡོད་སྙམ་ནས་ང་རྒྱལ་དང་།  མཐོང་ཆུང་གི་བསམ་པ་

བཅངས་ནས་མཐར་ཕྱིན་པ་སྦྱངས་མེད་པས་ཡིན།

（2）ཁུག་རྟས་བཟོས་པའི་ཚང་དེ་ནི་ཕྱི་ནས་བལྟས་ན་དབྱིབས་མཛེས་ཤིང་།   ནང་དུ་ཉལ་ན་བདེ་

ཞིང་སྐྱིད་པ་ཞིག་བྱུང་བའི་རྒྱུ་མཚན་གང་ཡིན།

ལན་དུ：ཁུག་རྟས་ཁེངས་སེམས་མེད་པའི་སྒོ་ནས་རིག་པ་རྩེ་གཅིག་གིས་སློབ་སྦྱོང་མཐར་ཕྱིན་པ་བྱས་པའི་རྐྱེན་གྱིས་ཡིན།

བདུན།   སྦྱང་གཞི་བཀོད་སྒྲིག།      P13     གཉིས་པ་དང་།   གསུམ་པ།